Ambasadori i Britanisë së Madhe në Kosovë, Jonathan Hagreaves ka takuar sot kreun e Kuvendit të Kosovës, Glauk Konjufca.
Ai ka biseduar me të për rezultatin e zgjedhjeve të 9 shkurtit dhe rëndësinë e krijimit të një qeverie me kohë.
“Sot kam takuar kryetarin e Kuvendit të Kosovës, Glauk Konjufcën. Folëm për rezultatin e zgjedhjeve të përgjithshme dhe rëndësinë e formimit në kohë të qeverisë. Ne diskutuam gjithashtu se si të arrijmë më shumë përparim në përfaqësimin e komuniteteve joshumicë, përfshirë serbët e Kosovës, në ekonominë dhe institucionet e Kosovës”, ka shkruar ambasadori britanik.
