Me dhimbje të thellë është pritur lajmi për ndarjen nga jeta të zyrtares policore Seniha Çerkezi, e cila shërbeu me përkushtim dhe devotshmëri në radhët e Policisë së Kosovës.
Lidhur me këtë humbje, Sindikata e Policisë së Kosovës ka shprehur ngushëllime për familjen, kolegët dhe të gjithë ata që e njohën dhe vlerësuan punën e saj.
“Senihaja do të kujtohet gjithmonë për përkushtimin, profesionalizmin dhe kontributin e saj të çmuar në mbrojtjen dhe sigurinë e qytetarëve të Kosovës. Humbja e saj është e madhe për të gjithë ne, por kujtimi për të dhe vepra e saj do të mbetën gjithmonë të paharruara”, thuhet në njoftimin e Sindikatës së Policisë së Kosovës.
I përjetshëm qoftë kujtimi për të!
