Një rast i rëndë ka ndodh mbrëmë pas mesnate në fshatin Dobriqë të Gjakovës. Një qytetar dyshohet se ka mbetur pa disa gjymtyrë të trupit pas një shpërthimi që ka ndodhur.
Rasti ka ndodh rreth orës 01:30, dhe Policia është njoftuar nga Emergjenca se një qytetar ka kërkuar ndihmë mjekësore pasi ka shpërthyer një mjet.
Sipas stafit mjekësor, viktima i ka të këputura të dy këmbët si dhe lëndime të rënda në të gjithë trupin, ku për shkak te gjendjes së rëndë shëndetësore, është dërguar për tretman në QKUK.
Gazeta Sinjali merr vesh, se viktima derisa ishte i vetëm brenda në shtëpi aksidentalisht ka bërë shkrepjen e mjetit shpërthyes të tipit “Zollë”.
Për pasojë është dëmtuar edhe një pjesë e shtëpisë.
Rastin e ka konfirmuar edhe Policia e Gjakovës.
”Sot, rreth orës 01:20, një mashkull rreth 20 vjeç është dërguar për trajtim mjekësor si pasojë e lëndimeve të rënda të shkaktuara nga një mjet shpërthyes. Menjëherë në vendngjarje kanë dalë të gjitha njësitë relevante policore, dhe sipas hetimeve fillestare, dyshohet se viktima, aksidentalisht ka shkaktuar shpërthimin e mjetit në shtëpinë e tij, në fshatin Dobrigje-Gjakovë. Për rastin është njoftuar prokurori i shtetit, në konsultim me të cilin njofton policia”.
Në vendngjarje kanë dalë te gjitha njësit relevante dhe janë duke merr me rastin i cili është si “shkaktim i rrezikut të përgjithshëm”.
