Kandidati për deputet nga Partia Demokratike e Kosovës (PDK), Xhemshit Krasniqi, ka ndarë një mesazh të veçantë në rrjetin e tij social Facebook, duke vlerësuar rëndësinë e sportit dhe angazhimin e të rinjve sportistë, shkruan Gazeta Papirus.
Në postimin e tij, Krasniqi ka treguar se ka pasur kënaqësinë të vizitojë klubin e basketbollit KB Bashkimi, ku pati mundësinë të takohet me disa prej sportistëve më të talentuar të ekipit.
Po ashtu, ai vizitoi edhe klubin e futbollit FC Liria, të cilin e përshkroi si një ekip me histori të pasur dhe pasion të jashtëzakonshëm për futbollin.
“Ishte një mundësi e shkëlqyer për të parë nga afër përkushtimin dhe energjinë e sportistëve tanë. Angazhimi i këtyre të rinjve është një shembull frymëzues për të gjithë komunitetin tonë,” ka shkruar ai.
Krasniqi theksoi se sporti luan një rol të rëndësishëm në bashkimin e shoqërisë dhe në motivimin për të arritur më shumë në të gjitha fushat e jetës.
Ai shprehu mbështetjen e tij për zhvillimin dhe promovimin e sportit si pjesë e rëndësishme e angazhimit të tij politik dhe vizionit të PDK-së.
Postimi i tij ishte i shoqëruar me hashtagët:
#Mamirë
#BedriHamza1
#XhemshitKrasniqi87
Partia Demokratike e Kosovës po vazhdon me takime dhe aktivitete në terren, duke theksuar përkushtimin për mbështetjen e të rinjve, sportit dhe komunitetit në përgjithësi.
/Gazeta Papirus/
