Partia Demokratike e Kosovës ka mbajtur sot konferencë për media. Në këtë konferencë Blerand Stavileci tha se tubimet në Prishtinë e Ferizaj treguan se Kosova është gati për të ardhme.
“Të shtunën në Prishtinë dhe të dielën në Ferizaj, mijëra qytetarë u bashkuan krah për krah, brenda dhe jashtë sallave, për të përcjellë dhe për të përçuar një mesazh të qartë: Kosova është gati për një të ardhme Ma të Mirë. Kjo nuk është thjesht një fushatë. Ky është një mision dhe, mbi të gjitha, një rrugëtim i pandalshëm i atyre qytetarëve që besojnë se “Kosova Mundet Ma Mirë”, ka thënë ai.
Më tutje Stavileci u shpreh se Kosova po flet me porosi të qartë se është koha për ta rikthyer dinjitetin.
