Dhuna në familje vazhdon të mbetet një nga damkat më të mëdha të shoqërisë kosovare. Çdo ditë në Polici raportohen raste të grave që përjetojnë dhunë në forma të ndryshme nga personat të cilët i kanë zgjedhur të ndajnë jetën me ta, por edhe nga anëtarët tjerë të familjes.
Një rast të tillë e ka denoncuar në Polici një grua në Prishtinë, e cila ka kërkuar ndihmë pasi bashkëshorti e largoi nga banesa me forcë.
Përballë kësaj situate, viktima ka vendosur të shkojë te familja e saj, por fatkeqësisht nuk ka gjetur mbështetje.
Si rezultat, i dyshuari është arrestuar dhe shoqëruar në stacion policor.
Ndaj tij, Prokurori i Shtetit ka urdhëruar inicimin e rastit për veprën penale “Dhuna në familje” dhe masën e ndalimit policor.
