Dy persona kanë humbur jetën, si pasojë e reshjeve të rrëmbyeshme ku kanë shkaktuar edhe përmbytje në Greqi.
Vdekjet kanë ndodhur në ishullin Limnos, ku përmbytjet kanë dëmtuar rrugë dhe ndërtesa dhe banorët janë urdhëruar të evakuojnë shtëpitë.
Dëme janë raportuar edhe në qytetin e dytë më të madh të Greqisë, Selanik, me reshje dhe stuhi që pritet të ndikojnë pjesën më të madhe të vendit në orët në vijim, sipas Shërbimit Kombëtar Meteorologjik të Greqisë.
Një burrë 70-vjeçar në Kondias vdiq kur u rrëzua duke u përpjekur të pastrojë shtëpinë e tij.
Një fermer 57-vjeçar u gjet i vdekur nga zjarrfikësit pasi u raportua i zhdukur nga familja pranë një dige të përmbytur afër fshatit, raporton BBC.
