Në vazhdën e urimeve për ditën e flamurit dhe 112 vjetorit të pavarsisë së Shqipërisë, kryetari i Lidhjes Demokratike të Kosovës, Lumir Abdixhiku ka uruar të gjithë shqiptarëve festën e 28 Nëntorit.
Me anë të nje postimi në rrjetin social “Facebook” të LDK-së, Abdixhiku ndër të tjera tha se:
“Kjo datë, përkon me Gjergj Kastriotin Skenderbeun; mban emrin e Ismail Qemailit bashkë me patriotët e tjerë, që shpallën pavarësinë e Shqipërisë. Sot, e kujtojmë dhe Presidentin historik, Ibrahim Rugova, që me idenë dhe bërjen e shtetit të Kosovës, e plotëson këtë ditë të madhe. E kujtojmë komandantin legjendar, Adem Jashari, sakrifica e të cilit është shembull për mbrojtjen e pragut të shtëpisë. I kujtojmë e nderojmë dëshmorët, heronjtë dhe luftëtarët e Ushtrisë Çlirimtare të Kosovës. Pa kontributin e tyre, Kosova dhe Shqipëria nuk do të ishin si sot”.
