Nesër me fillim nga ora 12:00, Kuvendi i Kosovës do të mbajë seancë të jashtëzakonshme.
Seanca do të ketë vetëm një pikë të rendit të ditës, atë të debatit parlamentar për komunikimet e kryetares së Grupit Parlamentar të Lëvizjes Vetëvendosje, Mimoza Kusari – Lila me Milan Radojiçiq.
Kjo seancë e jashtëzakonshme u thirr me iniciativën e grupit parlamentar të Partisë Demokratike të Kosovës.
Shefi i deputetëve të PDK-së Abelard Tahiri, njoftoi se janë siguruar 42 nënshkrime të deputetëve të Kuvendit të Kosovës.
