Shtëpia e futbollit evropian (UEFA) është duke vëzhguar me vëmendje ndarjen e drejtësisë nga gjyqtarët në ndeshjet e Kampionatit Evropian “Euro 2024”.
Pasi mbrëmë u raportua për përjashtimin e gjyqtarit të njohur spanjoll, Gil Manzano, UEFA sot thuhet se ka përjashtuar edhe një tjetër gjyqtar. Këtë radhë ai nuk është nga kontinenti i Evropës.
Gjyqtari argjentinasi Facundo Tello dhe asistentët e tij nuk do të jenë më në Kampionatin Evropian pasi bënë disa gabime të mëdha në ndeshjen e raundit të tretë mes Skocisë dhe Hungarisë.
Trajneri skocez Steve Clarke e humbi durimin pasi Tello nuk e pa gabimin e supozuar të Willie Orban ndaj Stuart Armstrong dhe gjyqtari argjentinas i VAR-it , Alejandro Hernandez, i cili nuk ndoqi udhëzimet e UEFA-s në situatën e lartpërmendur, nuk do të arbitrojë më në Euro .
Por kjo nuk është e gjitha, sepse shefat e arbitrave të UEFA-s besojnë se bërryli i Grant Hanley ndaj hungarezit Endre Botka mund të ishte karakterizuar gjithashtu si një goditje dënimi.
Tabloidi anglez Sun shkruan se gjashtë nga 19 ekipet e arbitrave u dërguan në shtëpi, mes tyre Tello dhe ndihmësit e tij Gabriel Chade dhe Ezequiel Brailovsky. UEFA pritet të njoftojë gjatë ditës se cilët gjyqtarë mbeten për fazën e eliminimit.
Trajneri Clarke nuk e fshehu acarimin e tij me gjyqin dhe nuk kishte frikë ta thoshte këtë publikisht.
“Ai është nga Argjentina, pse ta pyes për ndonjë gjë? Ai ndoshta nuk e flet as gjuhën. Nuk e di. Pse është këtu? Pse nuk kishte një gjyqtar evropian? – ishin fjalët e trajnerit skocez për të cilat UEFA mund ta ndëshkojë.
Përndryshe, UEFA dhe CONMEBOL kanë lidhur marrëveshje për shkëmbimin e gjyqtarëve në garat e mëdha, ndërsa arbitri italian Maurizio Mariani ka gjykuar testin mes SHBA-së dhe Bolivisë në Kupën e Amerikës.
