Përleshjet fizike në të cilat përfshihen të rinjtë janë të shpeshta në vendin tonë. Kjo është shndërruar në një dukuri shqetësuese duke u rrezikuar kështu siguria publike. Një rast i tillë ka ndodhur mbrëmë pas mesnate në rrugën “Ukshin Hoti”, afër një parkingu.
Sinjalizuesit e Sinjalit kanë bërë me dije se një numër i madh i të rinjve janë rrahur mes vete, për motive akoma të panjohura.
Pasi rasti është denoncuar dhe ka arritur Policia, të dyshuarit kanë ikur me shpejtësi, por që janë gjetur armë dhe mjete të mprehta (thika).
Megjithatë, Policia ka arritur ta kap njërin prej të dyshuarve, i cili është arrestuar dhe shoqëruar në stacion policor për intervistim.
Te i njëjti është gjetur një sasi e substancës narkotike, që është sekuestruar po ashtu si provë.
Ndaj tij, Prokurori i Shtetit ka urdhëruar inicimin e rastit dhe ndërmarrjen e veprimeve të nevojshme edhe për identifikimin e të dyshuarve të tjerë.
