Mediumet e huaja po raportojnë se përleshjen mes tifozëve anglezë dhe serbë e kanë nisur shqiptarët.
Të dielën ka ndodhur një rrahje e madhe mes tifozëve anglezë dhe serbë, ku u panë disa persona duke e goditur njëri-tjetrin me karrige si dhe shishe qelqi.
Por, tani “The Sun” po raporton se i tërë incidenti ka nisur nga tifozët shqiptarë.
“Tifozi anglez Matthew Simpson që ka diskutuar me grupet serbe disa momente para se të niste përleshja, i është thënë se sulmuesit kanë qenë shqiptarët”.
“Tifozët e përfshirë dukej se ishin zhdukur në turmat në qytet, ndërsa policët me helmeta dhe pajisje për protesta morën kontrollin”, thuhet ndër të tjera në raportin e mediumit britanik.
