“Policia e Kosovës me udhëzimin e ministrit të Brendshëm, kreu operacione në veri të Kosovës, në mënyrë që ne menduam se nuk kontribuon në synimet tona afatgjate për stabilitetin dhe sigurinë”. Kështu do të deklaronte ambasadori Hovenier.
Kjo do të shënonte herën e tretë, që Shtetet e Bashkuara të Amerikës, do ta përmendnin me emër të përveçëm ministrin e brendshëm Xhelal Sveçla për aksionet në veri.
Për këtë, foli mbrëmë shefi i grupit parlamentar të LDK-së, Arben Gashi. Ai në emisionin ‘Gallatë’ të kanalit 10, thotë se gjithmonë janë zhvilluar aksione në veri, por jo me demonstrim force.
“Aksione janë bo gjithmonë, prezencë të policisë ka pasë gjithmonë, Marko Gjuriq është arrestu në tubim dhe është sjell në Prishtinë sepse ka hy pa leje në Kosovë. Atje është shtri autoriteti, por institicuonet e Kosovës kanë pasë dy elemente që kanë qenë në favor të vetin, e para nuk kanë dashtë me demonstru, për arsye të përfitimit elektoral që sot është e kundërta, e dyta duke mbajtë diskrecionin por duke shtri autoritetin, kanë përfitu edhe mbështetje ndërkombëtare”, thotë Gashi.
“Ndërsa sot, kurgjo nuk ka ndryshu, shkohet demonstrohet me bicikleta ministri i brendshëm dhe bën kajak nëpër Ujman, me demonstru forcë, mentalitet bizantin.
Qytetarët e Kosovës janë shumë intelegjent, nuk ta falin, nuk na kanë falë neve. Duhet mençuri, nuk duhet kapadajllëk. Tanë e dimë çfarë fuqie ka Xhelal Sveçla, me atë Elbert Krasniqin në veri çka po donë me thanë me atë, që pak me ia blloku rrugën duhet me shku me nxjerrë KFOR-i, ose me u vra djemtë e vajzat tona atje. Demonstrimi është i papranueshëm sepse interpretohet nga një palë e tretë si demonstrim force. E mirë është që popullësia lokale nuk ka reagu”, tha ai.
Veç tjerash, Gashi në këtë intervistë foli edhe për temën më diskutueshme të ditëve të fundit, për zgjedhjet.
“Nuk ka pasë takime zyrtare mes grupeve paralementare për shpërndarjen e Kuvendit. Vlerësimi jonë është që në situatën ku gjendemi, jemi në fazë zgjedhore. Maksimalisht në katër muajt e ardhshëm do të shpallet dita e zgjedhjeve në Kosovë.Për katër muaj, pse duhet me e çu vendin në zgedhje të jashtëzakonshme. Ne vlerësojmë që qeverisja është e gabueshme, korrupsioni galopant”, tha ai.
