Kampioni i Kosovës, Ballkani ka njoftuar për të ardhmen e trajnerit të klubit, Ilir Daja.
Klubi suharekas nëpërmjet një postimi në Facebook ka bërë të ditur se trajneri shqiptar nuk do të largohet nga Ballkani këtë verë.
Tekniku shqiptar ishte spekuluar se mund të largohet nga portokallinjtë, me të ardhmen e tij të cilën e kishte bërë të paqartë vet trajneri Daja pas mbylljes së kampanjës sezonale.
Sipas njoftimit, Daja do të jetë pjesë e Ballkanit për së paku edhe dy vjet.
“Të gjitha planet e klubit për këtë periudhë kohore, lidhen me projektin e përbashkët me trajnerin tonë. Çdo formë tjetër që po merr jehonë në media, mbetet thjeshtë spekulim, dhe qëllime dashakeqe ndaj klubit”, thuhet në njoftim.
