Vajzat dhe gratë vazhdojnë të jenë viktimat më të shpeshta të ngacmimeve, sidomos të atyre në rrjete sociale e rrugë. Burra të moshave të ndryshme ngacmojnë me fjalë e veprime të ndryshme të cilat krijojnë shqetësim te gjinia femërore. E viktima shpesh herë dalin të jenë edhe vajzat e mitura.
Një rast i tillë ka ndodh edhe dje, rreth orës 12:00 edhe në sheshin “Skenderbeu” në Prishtinë, ku një burrë ka ngacmuar një të mitur.
I dyshuari që për rastin është arrestuar nga Policia është: Eroll Qerka, 41-vjeçar.
I njëjti është recidivist i ngjarjeve të tilla, që për qëllim kanë ngacmimin e grave dhe të miturave.
