Avokati Besnik Berisha ka deklaruar se Enver Sekiraqa është duke u trajtuar në spital jashtë Kosovës, duke mohuar zërat se ai është arratisur.
Berisha ka thënë se klienti i tij është duke u trajtuar në një spital jashtë Kosovës.
Ai ka shtuar se për shkak të sigurisë së Sekiraqës nuk mund ta zbulojë vendndodhjen e tij.
“Enver Sekiraqa është në spital duke u trajtuar me probleme shëndetësore serioze. Të cilat kanë qenë të evidentuara nga Gjykata Themelore në Prishtinë dhe për të cilat është trajtuar dhe ka kërkuar leje – dalje e shoqërim nga Polica”, ka thënë avokati i tij, Besnik Berisha në Dukagjini.
“Për shkak të sigurisë së tij personale…nuk mund të zbulojmë këtë. Shteti e dinë sepse nuk ka dalë as tu fluturuar ka kaluar nëpër pikat pika kufitare si qytetar…Nuk është në Kosovë është në spital. Për shkak të sigurisë së tij personale nuk mund të zbuloj vendndodhjen. Kujt i intereson prej shtetit mundet me ditë”, ka shtuar Berisha.
