Universiteti i Prishtinës “Hasan Prishtina” është renditur në Times Higher Education, renditje kjo që bën bashkë gati 2 mijë universitete të botës që rangohen duke llogaritur përformancën e institucioneve të arsimit të lartë.
“Renditja vjetore “THE” vlerëson universitetet në mbarë botën në: mësimdhënie, hulumtim, citime, të hyrat nga industria dhe nga përspektiva ndërkombëtare duke përdorur 13 tregues të përformancës për të ofruar krahasime gjithpërfshirëse dhe të balancuara”, ka njoftuar ministrja e Arsimit, Arbërie Nagavci.
Times Higher Education si pikë referimi global për përsosmëri në arsim të lartë është adresë e universiteteve nga 108 vende të ndryshme të botës.
