Terroristi serb që u plagos gjatë sulmit ndaj Policisë së Kosovës është në gjendje të mirë shëndetësore, e kanë konfirmuar nga Qendra Klinike Universitare e Kosovës (QKUK).
Drejtori i Klinikës së Ortopedisë, Gani Jashanica, i ka thënë KOHËS se ai është në gjendje të mirë shëndetësore, derisa i ka dy plagë.
“I ka dy plagë. Femurin e ka të dëmtuar dhe kërcirin (pjesa nën gju), por është në gjendje stabile. Sot e kam vizituar. Ai do të qëndrojë i shtrirë edhe për disa ditë”, ka thënë Jashanica.
Ai është dërguar nga Spitali i Mitrovicës mbrëmjen e së dielës në QKUK për trajtim.
