Presidenti i Serbisë, Aleksandar Vuçiq, i është ankuar e viktimizuar ministrit të Punëve të Jashtme të Emirateve të Bashkuara Arabe (EBA), Sheikh Abdulla bin Zayed Al Nahyan, në New York.
Vuciq thotë se i ka treguar atij për siç pretendon dhunën e ushtruar ndaj serbëve që jetojnë në Kosovë.
Këto ankesa Vuçiq i ka bërë gjatë pjesëmarrjes në një pritje të organizuar nga Ministri i Punëve të Jashtme të Emirateve të Bashkuara Arabe me rastin e Asamblesë së Përgjithshme të 78-të të OKB-së në Neë York.
closevolume_off
“Kemi shkëmbyer mendime për çështjet më të rëndësishme në agjendën e sesionit të Asamblesë së Përgjithshme të OKB-së dhe e kam njoftuar Shejh Abdul në detaje për dhunën që ushtrohet ndaj serbëve në Kosovë. I kam bërë thirrje Emirateve të Bashkuara Arabe që të përdorin ndikimin dhe angazhimin e tyre për të ndihmuar në mbrojtjen dhe mbijetesën e popullit tonë në vatrat e tyre shekullore”, tha Vuçiç në Instagram.
Vuçiq shtoi se i kërkoi Sheikh al-Nahyan që t’i përcjellë përshëndetjet e ngrohta dhe shprehjet e mirënjohjes së thellë Presidentit të Emirateve, Sheikh Muhammad bin Zayed al-Nahyan, me shpresën se ai do të vizitojë sërish Serbinë.
“E përsërita se jam veçanërisht krenar për miqësinë tonë, si dhe për faktin se një nga liderët më me ndikim botëror e konsideron vendin tonë një partner të rëndësishëm dhe se ai personalisht i kushton vëmendje të madhe forcimit të mëtejshëm të marrëdhënieve me Serbinë”, ka shkruar Vuçiq.
