Trajneri i Milanit, Stefano Pioli dëshiron që ta mbajë skuadrën të fokusuar në Serie A, ku të shtunën zhvillohet derbi me Interin.
Sipas tij, skuadra në këtë moment nuk duhet të mendojë për ndeshjen e javës së ardhshme në Champions League kundër Newcastle.
“Nuk dua që të dëgjoj asnjë fjalë në lidhje me ndeshjen me ekipin anglez. Përpara kemi derbin dhe duhet të jemi të përqëndruar plotësisht në këtë duel. As për takimet e kaluara nuk më intereson gjë, pasi rëndësi ka takimi i radhës”, ka thënë ai.
Pas tri xhirove dy skuadrat e Milanos e bashkëkryesojnë tabelën me nga nëntë pikë.
