Policia e Kosovës përmes një komunikate për media ka njoftuar se të enjtën, policia kufitare ka arritur të ndalojnë dhe iniciojnë katër raste, dy prej tyre si kalim i paautorizuar i vendkalimeve kufitare dhe dy të tjera si kontrabandë me mallra.
Në komunikatë thuhet se në rastin e parë, automjeti me targa serbe, me shofer N.S., serb/kosovar dhe pasagjer B.R., me të njëjten nënshtetësi, dyshohte se kishin hyrë ilegalisht në Kosovë.
Në rastin e dytë, pasi është ndaluar automjeti me targa seve, me drejtues V.M., dhe pasagjer S.J., policia ka vërenjtur se ishin futur në Kosovë përmes rrugëve ilegale.
Në rastin tjetër, policia ka njoftuar se është ndaluar një automjet me targa serbe, me drejtues D.M., ku pas kontrollit policia ka vërtetuar se i duyshuari ishte duke transportuar mall të kontrabanduar.
Kurse, në rastin e fundit, është ndaluar një traktor me rimorkio F.M., ku pas kontrollit policia ka vërtetuar se i njëjti ishte duke kontrabanduar 3.90 metër kub dru, që dyshohet se janë futur përmes rrugëve ilegale.
Rastet janë iniciuar dhe janë duke u trajtuar nga Njësia Rajonale e Hetimeve të Drejtorisë
Rajonale Kufitare-Veriu. Është njoftuar prokurori kompetent, rastet procedohen në procedurë të rregullt.
