Kosova do të ballafaqohet sot me Zvicrën, për kualifikueset e Kampionatit Evropian.

Ndeshja do të zhvillohet në stadiumin “Fadil Vokrri”, duke filluar nga ora 20:45.

Tifozët e Kosovës që disa jetojnë edhe në Zvicër, kanë emocione të përziera për këtë përballje, ani se më shumë favorizojnë kombëtaren helvetike.

“Ka me fitu Zvicra 2-1, Unë besoj edhe Xhaka edhe Shaqiri ka me dhënë gol për Zvicrën. Vojvoda për Kosovën. Lojë speciale, tepër lojë emocionuese”, u shpreh njëri nga tifozët.

Një tjetër tifoz mendon se Rashica do të jetë i pandalshëm në këtë takim.

“Po besoj se kemi me u nda të kënaqur me, besoj se fitorja do të jetë e Kosovës, zemra e bën të veten, Rashica deri në tre gola nuk ka me u ndalë. Sot u kanë një ditë e ngarkuar, zviceranët e kanë kapluar Prishtinën, prej 8 në mëngjes nuk janë ndalur fare”, tha një tjetër tifoz.