Sot janë bërë 33 vite që kur Kosova u shpall Republikë me Kushtetutën e miratuar nga Kuvendi i saj në Kaçanik, Miratimi i Kushtetutës së Republikës së Kosovës u bë më 7 shtator të vitit 1990 ku shënoi aktin fundamental për shtetin e Kosovës,ku pasonte Deklaratën Kushtetuese të 2 Korrikut 1990 e pasohej me Referendumin për Kosovën shtet sovran dhe i pavarur të mbajtur nga 26 deri në 30 Shtator 1991 me votimin pro 99, 87%, si dhe nga zgjedhjet e para pluraliste parlamentare dhe presidenciale të 24 Majit 1992. Në atë kohë në krye të Kuvendit ishte Ilaz Ramajli ai bënte pjesë e ngjarjeve historike të vendimeve për Kosovën.
Në rastin e përvjetorit Ish Presidenti Dr. Ibrahim Rugova në deklaratat e tij drejtuar qytetareve të Kosovës me rastin e 7 shtatorit në vitin 2005 ai tha:
‘Me rastin e 7 Shtatorit, në 15 vjetorin e miratimit të Kushtetutës së Republikës së Kosovës, Ju shpreh urimet e mia të përzemërta.
Dita e 7 Shtatorit e vitit 1990 është një ditë e rëndësishme në historinë tonë të re, sepse u miratua Kushtetuta e Republikës së Kosovës, që u bë pas shpalljes së Deklaratës së Pavarësisë në korrik të po atij viti. Kjo i vuri themelet e shtetit të Kosovës, që u vërtetua me Referendumin për pavarësi dhe hapi perspektiva për ndërtimin e jetës shtetërore demokratike.
Dhashtë Zoti që sa më shpejt ta gëzojmë njohjen direkte të pavarësisë së vendit tonë nga Shtetetet e Bashkuara të Amerikës dhe Bashkimi Evropian, çfarë do të qetësonte popullin e Kosovës dhe këtë pjesë të Europës e të botës.’
