Nga fundjava mot më i qëndrueshëm, kryesisht me diell dhe shumë i ngrohtë. Në fillim të javës së ardhshme temperaturat arrijnë edhe deri në 30C.
Sipas Prishtina Weather pas motit me shi e bubullima ditën e enjte, ditëve në vijim pritet të kemi përmirësim të motit, në fundjavë shumë të ngrohtë e kryesisht me diell me temperatura në rritje. Shumë ngrohtë dhe mot i qëndrueshëm mbetet edhe në fillim të javës së ardhshme. Orëve të hershme të hënën, kalimi i një fronti të ftohtë nga rajoni sjell shtim të vranësirave, por pa mundësi për të reshura. Të martën e mërkurën kryesisht me diell, herë-herë me vranësira kalimtare.
