Në dhjetor të vitit 2020-të, Byroja Kosovare e Sigurimeve, kishte deklaruar se mërgimtarët të cilët kanë paguar policën e sigurimit kufitar do tu kthehen paratë.
“Sot përmes mediave jemi informuar se gjatë hyrjes në territorin e Republikës së Kosovës, disa nga ju keni paguar primin e sigurimit kufitar për të cilin, përmes Marrëveshjes së Bashkëpunimit të datës 30.07.2020 Qeveria e Republikës së Kosovës është duke mbuluar koston e këtyre policave të lëshuara deri me datë 31.12.2020.
Duke iu kërkuar falje të gjithë qytetareve qe kane paguar primin e sigurimit për policat e sigurimit te lëshuara sipas Marrëveshjes se Bashkëpunimit të datës 30.07.2020, ju njoftojmë që mund të vini në zyrën qendrore të Byrosë Kosovare te Sigurimit, ose në pikën më të afërt kufitare për kthimin e primit te paguar”, thuhej tutje në njoftimin e BKS-së.
Megjithatë, Gazeta Papirus përmes burimeve të afërta, merr vesh se paratë ende nuk iu kanë kthyer mërgimtarëve dhe ata janë tejet të frustruar për këtë çështje.
Bazuar në deklaratën e Byrosë së paratë e tyre do rikthehen, një mërgimtarë tha ekskluzivisht për Gazetën Papirus se kjo gjë ende nuk ka ndodhur.
“Pagune ju policën dhe iu kthehen paratë, na kanë thënë por hala kurgjo s’ka”, tha mërgimtari për Papirus.
Presim një reagim nga BKS.
/GazetaPapirus/
