Një person ka vdekur dhe 46 janë plagosur pas dy shpërthimeve në një pikë karburani në Rumani.
Të plagosurit përfshinin 26 zjarrfikës që nxituan në vendngjarje, pas shpërthimit të parë pranë kryeqytetit Bukuresht të shtunën në mbrëmje.
Menjëherë pas kësaj, një shpërthim i dytë ndodhi.
Autoritetet thanë se të paktën tetë nga të plagosurit ishin djegur rëndë. Ata planifikojnë të dërgojnë katër në spitale jashtë vendit.
Presidenti i Rumanisë Klaus Iohannis i përshkroi shpërthimet si një “tragjedi” dhe tha se ishte “thellësisht i pikëlluar” nga ajo që kishte ndodhur, raporton BBC.
“Duhet të nisë shpejt një hetim për të parë nëse janë shkelur rregullat. Kërkoj nga autoritetet që të marrin masa urgjente për të lënduarit që këto tragjedi të mos ndodhin më”, ka shkruar ai në Facebook.
