Kryeministri Albin Kurti dhe disa nga kabineti i tij, kryenegociatori i Kosovës, Besnik Bislimi, disa herë kanë këmbëngulur në publik se masat ndëshkuese na qenkan të padrejta duke u thirrur në kryerjen e tërheqjes së 25 % të policisë. Jo sipas BE, masat e caktuara janë reversibile siç e bëjnë të ditur për Metro dhe dihen kriteret e heqjes së tyre e janë bërë të qarta disa e herë.
Të pyetur si e konsiderojnë këtë qasje në Bruksel nga zyra për media e Përfaqësuesit të Lartë të Komisionit Europian, Josep Borrell, e bëjnë të qartë, përsëri siç e theksojnë në përgjigjen e tyre se mbetet të shqetësuar me tensionin në veri dhe nuk ka ndryshim në qëndrimin rreth masave ndaj
Kosovës.
“Bashkimi Europian mbeten të shqetësuar me tensionet në veri të Kosovës. BE ka dënuar dhunën dhe vazhdon të bëjë thirrje për de-eskalim të menjëhershëm nga të dy palët. BE’ja ka bërë kërkesa specifike për de-eskalim për të dyja palët (sipas Deklaratës së Përfaqësuesit të Lartë në emër të BE’së më 3 qershor, propozimi i Përfaqësuesit të Lartë për të dy palët me 22 qershor, si dhe konkluzionet e Këshillit Europian më 30 qershor). Në deklaratën e 3 qershorit, me pajtimin e 27 shteteve anëtare, BE ka bërë të qartë se ishte e gatshme të ndërmerrte masa të rrepta në rast të dështimit për të arritur për de-eskalim.”
Tutje u shpjeguan si erdhi që u vendosën masat kufizuese nga BE për Kosovën si palë në dialog dhe kushtet për de-eskalim të përcaktuara si lehtësuesi i dalogut.
“BE i ka kërkuar Kosovës të veprojë në mënyrë de-eskaluese dhe që menjëherë të pezullojë operacionet policore brenda dhe në afërsi të të katër ndërtesave komunale në Veri të Kosovës. Katër kryetarët e komunave do të duhej të kryenin detyrat e tyre në objekte të tjera përveç atyre të ndërtesave komunale.”
Shtohet tutje duke e theksuar se po e përsërisin se ujdia e fundit për zbritjen me 25 % të prezencës së policisë në dhe përreth ndërtesave të komunave është e mirëpritur por edhe e pamjaftueshme.
“BE mirëpret njoftimet e fundit nga qeveria e Kosovës për zbritjen e radhës prej 25 % të prezencës së policisë në dhe përreth ndërtesave të komunave në veri të Kosovës. Vendimi u mor pas takimit të nivelit teknik mes Policisë së Kosovës dhe EULEZ që kishte synim përcaktimin e parametrave të përbashkëta të vlerësimit të gjendjes së sigurisë në komunat veriore. Këto janë hapa në drejtim të duhur por janë të nevojiten hapa të tjerë.”
Duke lënë të nënkuptohet një ngopje me ‘menaxhim krizash’ që BE’së i referuar kësaj si kjo më e fundit në përgjigje dhe e bëjnë me dije s’ka aspak paqartësi se çfarë nevojitet për t’u hequr masat kufizuese.
“Për më tepër dhe për siguruar përfundimin e krizës së tanishme, zgjedhjet e parakohshme duhet të shpallen së shpejti në të katër komunat e të organizohen në mënyrë gjithëpërfshirëse. Kjo do të thotë pjesëmarrja e plotë dhe pakushte e serbëve të Kosovës.”
Kjo fillimisht e për më tepër e siç i janë referuar si kthim në normalitet të procesit të dialogut në Bruksel dhe zbatimin e marrëveshjeve të arritura në Ohër dhe Bruksel paraprakisht, me theks të veçantë në Asociacionin e Komunave me Shumicë Serbe, që kryeministri Kurti nuk është treguar edhe aq entuziast, thënë butë, megjithëse është pajtuar ta themelojë me ujdinë e arritur.
“Është esenciale që dialogu i lehtësuar nga BE i udhëhequr nga Përfaqësuesi i Lartë si dhe implementimi i Marrëveshjes së rrugëtimit drejt Normalizimit të marrëdhënieve përfshi Aneksin e Implementimit të saj të vazhdojë. Kjo përfshin themelimin e Asociacionit/Bashkësisë të Komunave me Shumicë Serbe
