Gjatë ditës së djeshme kanë humbur jetën tre kosovarë nga Gjilani në Shqipëri, pasi të njëjtit dyshohet se janë helmuar me ushqim.
Nëna djali dhe nusja, dyshohet se kanë vdekur pas konsumimit të kërpudhave. Ata ndodheshin në shtëpinë e tyre në Mazë.
Në lidhje me rastin janë deklaruar familjarët e viktimave. Djali i viktimave në një konferencë për media ka treguar se ka biseduar me babain e tij në telefon dhe e ka vërejtur në të folur se ai nuk ka qenë në gjendje të mirë shëndetësore.
“Rasti është i rëndë për familjen tonë. Kemi pa që ka pasur devijime të mëdha në lajme”, tha djali i viktimave.
“Ajo është shtëpia jonë, shkojmë për vikende. Kemi shku atje gjithë, kemi kalu kohë të gjatë atje. Babi është edhe shtetas i Shqipërisë. Ata janë infektu për disa ushqimeve që i kanë ngrënë. Për neve çka është e patolerueshme për familje ntonë është neglizhenca, mos trajtimi i duhur në Shërbimi Spitalor të Mazës, tre pacientë me shku me të njëjtin simptomë dhe me u kthy në shtëpi me hapa me barna besoj që nuk është adekuate. Pa analiza, pa ekzaminime mjekësore, pa kurrfarë përkushtimi”, ka thënë djali i viktimave.
“Kam kontaktu me të ndjerin në telefon, më ka thënë se ka qenë në spital, kanë kalu vetëm me një infuzion, e kanë kalu vec me barna. Gjendjen e kanë pas keq. Mendimi im është që nuk guxon të lirohet pacienti në atë mënyrë”, është shprehur ai.
Ai ka treguar se edhe qeni që ka qenë bashkë me familjarët e tij ka ngordhur, ndonëse nuk ka konsumuar kërpudha.
Sipas tij, familjarët e tij edhe mëherët kanë mbledhur këpurdha dhe i njihnin ato mirë.
“Diçka që është shqetësuese për neve dhe e papërballueshme është neglizhenca e mjekëve. Tre pacientë me shku me të njejtin simptomë dhe me u kthy në shtëpi me barna, nuk është adekuate. Pra pa analiza pa kurfar përkushtimi me e liru pacientin në atë gjendje është diçka jo e duhur për çdo mjek. Ndërsa është e dyshimtë se edhe qeni ka ngordhur, ndërsa ai nuk ka konsumuar këpurdha, ai i ka ngrënë ushqimet e veta ndërsa është e dyshimtë se si ka ndodhur kjo”, ka treguar djali i viktimave.
Familjarë të tyre kanë thënë se pacienti ka pritur në Tiranë 3 orë për analiza dhe se ka pasur papërgjegjësi në trajtimin e tyre.
“Varrimi bëhet në kohën e Ikindisë në orën 16:30 në varrezat e qyteti në Gjilan”, ka thënë djali i familjes Haliti./Gazetapapirus.com/
