Jemi mësuar të dëgjojmë që zyrtarët e vendit tentojnë të përfitojnë nëpër udhëtime jashtë vendit nga institucionet dhe nga ato vende ku i vizitojnë.
Por ish Koloneli i FSK-së, Ejup Maqedonci, që pritet të bëhet Ministër i Mbrojtjes kishte refuzuar t’i pranonte 30 mijë euro dëmshpërblim nga shteti japonez, përcjell Jepi zë.
E kjo ndodhi kur gjatë ushtrimeve, ish koloneli e lëndon meniskusin e këmbës dhe japonezët i ofrojnë ta dërgojnë për shërim në ndonjë klinikë japoneze, duke i thënë madje që sipas kontratës i takojnë 30 mijë euro dëmshpërblim.
Mirëpo, Maqedonci nuk pranon as të largohet nga ushtrimet e aq ma pak dëmshpërblimin, me arsyetimin se në Japoni ka shkuar të marrë dije e jo dëmshpërblim.
Nga ky gjest i tij, japonezët befasohen dhe e caktojnë menjëherë në pozitën e udhëheqësit të ushtarëve pjesëmarrës nga mbarë bota.
