Policia e Kosovës ka arritur ta arrestojë Faton Brahimajn, i dyshuar për vrasjen e djalit të axhës së tij, Bashkim Brahimaj në Novosellë të Pejës.
Brahimaj dyshohet se më 24 prill kishte vrarë me armë zjarri djalin e xhaxhait të tij, shkruan lajmi.net.
Motivi i vrasjes dyshohet të ketë qenë një mosmarrëveshje për çështje pronësore.
Menjëherë pas rastit, Policia e Kosovës e kishte shpallur në kërkim të dyshuarin duke publikuar edhe fotografinë e tij.
Ndërkaq, pas pesë ditëve ai është arrestuar nga Njësitet e Policisë./Gazetapapirus.com/
