I kënaqur me vendimin e Gjykatës Themelore në Ferizaj ndaj të akuzuarit kryesor për vrasjen e Marigona Osmanit është ndarë babai i të ndjerës, Marigona Osmani.
Në një përgjigje për Dukagjinin, Muhabi Osmani ka deklaruar se ndonëse u nda i kënaqur me vendimin e gjykatës për caktimin e burgimit të përjetshëm ndaj Krivaqës, një ankesë do e paraqesin ndaj vendimit të të akuzuarit të dytë.
“Jemi të kënaqur”, deklaroi ai. Kur u pyet për vendimin e shqiptuar ndaj Sejdiut, ai deklaroi se “Do paraqesin ankesë”.
Njësoj deklaroi edhe Avokati i familjes së Marigona Osmanit.
Gazmend Rexhepi, ka paralajmëruar ankesë pas aktgjykimit të shpallur nga Gjykata për të akuzuarit e vrasjes së 18-vjeçares, Marigona Osmani.
Në një fjalë para mediave, Rexhepi ka deklaruar se sikurse i akuzuari kryesor, Dardan Krivaqa, edhe i akuzuari Arbër Sejdiu meritonte burgim të përjetshëm.
“Akuzuari i dytë është kokë e këmbë i bashkangjitur në bashkëkryerje, jo në ndihmë. Sepse këtë e vërtetojnë edhe provat e video-incizimet sepse në bazë të tyre, ka pasur raste ku i akuzuari i parë ka dal nga banesa dhe viktima ka qenë në dhomë nudo dhe i akuzuari i dytë ka hyrë aty. Ka qenë direkt i përfshirë në vrasje. Unë do paraqes ankesën, qëndroj prapa pretendimeve të mija që të dy të akuzuarit meritojnë burim të përjetshëm”, ka deklaruar ai.
Tutje, Rexhepi ka theksuar përsëri se vrasja e të ndjerës mbetet qenë vrasja më e rëndë në periudhën e pasluftës, sepse kronologjia e kësaj vrasjeje ka zgjatë 72 orë më herët se ajo të ndërrojë jetë.
