Numri i rasteve të dhunës në familje ka marrë përmasa shqetësuese në vendin tonë, pasi çdo ditë raportohen dhjetëra të tilla, ku zakonisht viktima janë gratë të cilat dhunohen në forma të ndryshme nga partnerët e tyre. Një rast i tillë ka ndodhur dje në Gjilan, ku një burrë ka përfunduar në Polici si i dyshuar për dhunë ndaj bashkëshortes së tij, raporton Gazeta Sinjali.
Burimet brenda Prokurorisë kanë bërë me dije se rasti ka ndodhur në rrugën “Xhorxh Bush”, ku një burrë 44-vjeçar, pas një konflikti verbal ka eskaluar në dhunë psikike ndaj viktimës dhe të njëjtën më pas e ka dëbuar nga shtëpia.
Si pasojë e dhunës së përjetuar, viktima ka kërkuar ndihmë mjekësore në spital, ndërkohë që gjithë ngjarjen e ka rrëfyer në Polici.
Sinjali mëson se bazuar në dëshminë e saj, rasti ndodhi pasi ajo kishte shkuar për vizitë te familje dhe ishte kthyer në shtëpi.
Si rezultat i denoncimit, i dyshuari është arrestuar dhe shoqëruar në stacion policor për intervistim.
Pas përfundimit të procedurave policore, me urdhër të prokurorit i njëjti është dërguar në mbajtje dhe ndaj tij është iniciuar rasti për veprën penale ‘Dhunë në familje
