Rastet kur personat shtetas të huaj ndahen nga jeta në vendin tonë nuk janë edhe të shpeshta. Megjithatë një rast i tillë ka ndodhur dje rreth orës 01:59 në Qëndren Klinike Universitare të Kosovës, me ç’rast është lajmëruar Policia.
Siç informon Policia e Kosovës, konfirmohet se viktima femër shtetase e Argjentinës ka qenë dukë qëndruar me banim në Fushë-Kosovë, bashkë me të dyshuarin shtetas zviceran, shkruan Gazeta Papirus.
Viktima dyshohet se ka rënë nga një lartësi e objektit, teksa ka qëndruar bashkë me shtetasin e huaj.
Lidhur me rastin është njoftuar Prokurori i Shtetit i cili ka dhënë urdhër që rasti të shkojë në procedurë hetimore, ndërsa trupi i viktimës të dërgohet në IML për Obduksion.
Lidhur me ngjarjen është iniciuar rast “Vrasje”.
/Gazeta Papirus/
