Këshilltari i ministrit Arben Vitia, Xhevdet Pozhari, ka befasuar opinionin me shkrimin e tij të fundit ku ka mbrojtur veprimtarinë e gazetarëve që protestuan sot. Gati të gjithë, nejse.
Pozhari që është edhe ish-gazetar ka përmendur disa nga kontributet ndër vite të gazetarëve që po sulmohen sot nga pushteti, përfshirë edhe publikimet në Express për Devollët dhe publiket e incizimeve të njohura si “Pronto” në Insajderi.
Ai ka vlerësuar edhe disa gazetarë të tjerë si Halil Matoshi, Ilir Mirena e Adriatik Kelmendi.
“Leni rehat të protestojnë, pavarësisht nëse pajtoheni ose jo.” – ka thënë z. Pozhari në shkrimin e botuar në Facebook.
Pasi ka përmendur disa nga kontributet e këtyre gazetarëve, z. Pozhari shkruan se beson që “krejt këtë e kanë bërë për të kontribuar që të kemi një shtet demokratik ku secili do të kemi mundësi me e shpreh atë që mendojmë.”
Pozhari ka vlerësuar që sulmet ndaj këtyre gazetarëve “janë bërë jashtëzakonisht të vrazhda” derisa ka kërkuar që kjo të përfundojë
