Rastet kur debatet në familjet kosovare eskalojnë në konflikte fizike nuk janë edhe të pakta në vendin tonë. Një rast i tillë ka ndodhur dje në orën 14:42 në Pejë.
Sipas informacioneve të para nga Policia e Kosovës, bëhet e ditur se dy vëllezërit janë arrestuar pas një konflikti fizik, me ç’rast kanë përdorur edhe armë zjarri, shkruan Gazeta Papirus.
E gjithë ngjarja ka ndodhur pas një mosmarrëveshje mes tyre, ku ka pasur edhe shkrepje të armës. Në vendin e gjuajtjes, Policia ka gjetur një gëzhojë dhe njërit prej të dyshuarve i është sekuestruar arma.
Lidhur me rastin është njoftuar Prokurori i Shtetit i cili ka dhënë urdhër që pas intervistimit të dy vëllëzerit të dërgohen në mbajtje.
Rasti është iniciuar si “Përdorim i armës / Dhunë në familje”.
/Gazeta Papirus/
