Një rast i grabitjes së rëndë ka ndodhur mbrëmë rreth orës 21:42 në magjistralen Prishtinë-Ferizaj në një market.
Siç informon Policia, dy persona të dyshuari njëri i armatosur me armë AK/47 dhe me një çekan, kanë arritur të hyjnë në market, me ç’rast i kanë terrorizuar punëtorët e marketit, shkruan Gazeta Papirus.
Të dyshuarit e kanë arritur synimin e tyre për të shkuar sipas planit që kishin bërë, duke arritur të grabisin para nga arka dhe një sasi të cigareve.
Me tu informuar lidhur me rastin, Policia ka dalur në vendin e ngjarjes bashkë me ekipin mjekësor për punëtorët, pasi të njëjtit kanë pasur nevojë për trajtim për shkak se ishin të shqetësuar.
Lidhur me rastin është njoftuar Prokurori i Shtetit, ku është iniciuar rast “Grabitje”.
/Gazeta Papirus/
