Një person ka mbetur i plagosur në Prishtinë, shkruan Insajderi.
I njëjti është përfshirë në rrahje fizike mes disa personave.
Rastin për Insajderin e ka konfirmuar Flora Ahmeti, zëdhënëse e policisë për rajonin e Prishtinës
Sot rreth orës 21 :30, kemi marrë informatën se në rrugën “Ilir Konushevci” në Prishtinë, ka ndodhur një përleshje fizike në mes të disa personave. Bazuar në të dhënat fillestare, në këtë rast nga arma e ftohtë thikë është plagosur një person. I njëjti është dërguar për trajtim mjekësor”, ka thënë Ahmeti.
Tutje, ajo njoftoi se hetuesit policor kanë nisur një hetim lidhur me rrethanat e këtij rasti, aktualisht janë duke punuar në arrestimin e dy personave të dyshuar të cilët janë identifikuar si të përfshirë në rast.
