Kreu i OVL-UÇK, Faton Klinaku ka qëndruar në Hagë bashkë me disa shokë të tij, shkruan Gazeta Papirus.
Klinaku ka vizituar atje ish themeluesit e UÇK-së, që po gjykohen nga Gjykata Speciale.
“Prapa këtyre dyerve, do të duhej që ta kenë vendin pjesëtarët e pushtuesit serb, që kanë kryer krime e masakra ndaj popullit shqiptar”, shkruan Klinaku.
Postimi i tij:
Prapa këtyre dyerve, do të duhej që ta kenë vendin pjesëtarët e pushtuesit serb, që kanë kryer krime e masakra ndaj popullit shqiptar.
Sot i vizituam çlirimtarët:
Jakup Krasniqi, Salih Mustafa, Rexhep Selimi, Pjetër Shala e Kadri Veseli.
Vizitat i vazhdojmë edhe nesër me:
Nasim Haradinaj, Hysni Gucati e Hashim Thaçi.
Shokët këtu i kanë kushtuar jetën e tyre atdheut. Janë më të fortë se kurrë, përballë këtyre sfidave dhe padrejtësive. Kanë shumë vizitorë nga Kosova e vende të ndryshme të botës, sepse populli i respekton si çlirimtarë.
