Ballkani pas eliminimit nga Liga e Kampionëve, tani garat në kualifikime do t’i vazhdoj në rrethin e dytë të Ligës së Konferencës.
Kampioni i Kosovës në këtë garë do të përballet me Larnen, të martën, duke filluar nga ora 20:45.
Skuadra suharekase, garat evropiane fillimisht i nisi në kampanjën kualifikuese të Ligës së Kampionëve, ku u eliminua nga kampioni i Bullgarisë, Ludogorets me rezultat të përgjithshëm 2-4.
Ekipi kosovar do të synojë që të shkruajë edhe një herë tjetër histori në Ligën e Konferencës, pas vitit të kaluar, ku arriti deri në fazën e grupeve.
