Presidenti serb, Aleksandër Vuçiq, para një javë ka deklaruar se do të fillojë një rrugë Jarinjë-Mitrovicë, gjë që Qeveria e Kosovë një gjë të tillë e ka cilësuar si deklarim të pamatur nga presidenti serb.
“Sa i përket rrugës Jarinje-“Mitrovicë e Kosovës”, mendoj se duhet të jetë një pasqyrë se si duhet të duket, e jo të na vjen turp për shkak të numrit të gropave të cilat i kemi atje dhe problemeve të cilat mund t’ju shkaktohen veturave. Kur niset Drobnjaku nga Vranja? (përgjigje: për 15 ditë), po thotë për 15 ditë e ju llogaritni për një muaj… e njoh Drobnjakun… por ka marrë urdhër dhe paratë janë siguruar për këtë, ta dini, kjo është pjesë e madhe rrugore dhe pjesë e rëndësishme e cila duhet të lidhë Mitrovicën Veriore me pjesën më të madhe të serbëve të “Kosovës dhe Metohisë”, të gjithë serbët e “Metohisë” (Dukagjinit), dhe serbët e Kosovës,së paku, të them kështu, na Prilluzhja, Plemetini, Babinmosti, pra nga gjithë ajo pjesë në mes të Mitrovicës, nëpër Vushtrri e Obiliq, deri në Prishtinë”, ka thënë Vuçiq.
Vuçiq ka sfiduar Qeverinë me këtë deklaratë. Mirëpo Qeveria thotë që këto deklarimet janë të pamatura, pavarësisht që Vuçiq thotë se verës fillon ndërtimin.
“Rruga Jarinjë-Mitrovicë është rrugë rajonale në Republikën e Kosovës. Përkujdesja ndaj saj është përgjegjësi e Qeverisë së Republikës së Kosovës. Sikurse edhe të gjitha rrugët tjera rajonale brenda territorit të Republikës së Kosovës. Ne tashmë jemi në proces të vlerësimit të gjendjes aktuale dhe nevojës potenciale për investime në atë rrugë. Deklarimet e tilla nga Qeveria e Serbisë janë të pamatura, dhe çdo veprim i eventual në këtë drejtim është papranueshëm për Republikën e Kosovës”, kanë thënë nga Zyra e Kryeministrit.
“Gjatë verës, llogaritni kah fundi i gushtit do të fillojmë edhe me Mitrovicën edhe me Graçanicën”, ka shtuar Vuçiq.
