Në pjesën e tretë të përgjimeve të Mimoza Kusari-Lilës dhe deputetit të Listës Serbe, Slavko Simiq janë përmendur edhe deputetë të PDK-së.
Njëri ndër ta ka qenë edhe, Abelard Tahiri i cili ka reaguar përmes një postimi në faqen zyrtare të tij në Facebook, shkruan Gazeta Papirus.
“Mimoza Kusari më njeh fort mirë, sepse në baza të rregullta takohemi në Kryesi të Kuvendit si dhe në sallë të Kuvendit gjatë seancave. Ajo e di shumë mirë se nuk kam orë të 30 mijë eurove”, shkruan ai.
Postimi i plotë pa ndërhyrje:
Mimoza Kusari më njeh fort mirë, sepse në baza të rregullta takohemi në Kryesi të Kuvendit si dhe në sallë të Kuvendit gjatë seancave. Ajo e di shumë mirë se nuk kam orë të 30 mijë eurove. Është e pashpjegueshme se si mundet me gënjye në mënyrë kaq të paskrupullt për mua. Aq më keq, si mundet me gënjye në mënyrë kaq të paskrupullt për mua, përballë punëtorit të Radojçiqit. Kjo veç njerëzore nuk është. Për besë, mjerim.
/Gazeta Papirus/
