Kryetari i Komisionit për Punë të Jashtme në Bundestagun gjerman nga radhët e Socialdemokratëve, Michael Roth, ka thënë se Shtetet e Bashkuara të Amerikës dhe Bashkimi Evropian duhet të ndalojnë veprimet e presidentit të Serbisë, Aleksandër Vuçiç, i cili po minon parimet e BE-së.
Roth përmes një cicërime në llogarinë e tij në rrjetin social “Tëitter”, ka thënë që “është koha që SHBA-të e BE-së të riformojnë strategjinë në lidhje me Serbinë në Ballkanin Perëndimor”.
“Presidenti Vuçiç minon parimet drejtuese të BE-së, ai inkurajojnë nacionalizmin dhe urrejtjen”, shkroi ai në “Twitter”.
Sipas tij, “ajo që na duhet vërtet është lidershipi i guximshëm për të nxitur pajtimin, sundimin e ligjit, demokracinë”.
Këtë reagim ai e bëri postimin në Twitter të gazetares austriake, Franciska Çinderla, në të cilën ajo përshkruante “pluralizmin mediatik” në Serbi dhe 16 kanale televizive që transmetonin njëkohësisht fjalimin e Aleksandër Vuçiç-it
