Kreu i Partisë Demokratike të Kosovës (PDK), Memli Krasniqi ka thënë se situata në Kosovë është e rëndë si pasojë e krizave të prodhuara nga kryeministri i vendit, Albin Kurti, shkruan Gazeta Metro.
Krasniqi ka përsëritur qëndrimin e PDK-së për nevojën e mbajtjes së zgjedhjeve të parakohshme parlamentare.
Ai këtë qëndrim e ka shprehur gjatë takimit me ambasadorin e Suedisë në Kosovë, Jonas Westerlund.
“Situata e rëndë në të cilën ndodhet Kosova aktualisht dhe zbehja e raporteve me aleatët ndërkombëtarë, si pasojë e krizave të prodhuara nga kryeministri Albin Kurti, janë qëndrimet që ia shpreha sot Ambasadorit të Suedisë në Kosovë, Jonas Westerlund, të cilin e prita në selinë e Partisë Demokratike të Kosovës, me ç’rast diskutuam për zhvillimet politike në vend.
Amasadorit Westerlund ia ripërsërita pozicionin e PDK-së për mbajtjen e zgjedhjeve të parakohshme parlamentare, pasi situata në Kosovë është jonormale, sidomos pas sanksioneve të vendosura nga Bashkimi Evropian”, ka shkruar Krasniqi ndër të tjera.
Krasniqi po ashtu ka thënë se e ka njoftuar ambasadorin edhe edhe për vendimet tjera të marra në mbledhjen e Këshillit Drejtues të PDK-së, që janë pezullimi i komunikimit zyrtar me kryeministrin Albin Kurti dhe presidenten Vjosa Osmani dhe vendimi për të mos votuar në asnjë forum të Kuvendit të Kosovës për asnjë ligj, rezolutë, marrëveshje ndërkombëtare apo dokument tjetër
