Kryeparlamentari Glauk Konjufca, ka dhënë detaje për diskutimet e bëra në takimin me kryeministrin e Shqipërisë Edi Rama.
Konjufca, tha se me të biseduan për zhvillimet e fundit në Kosovë, derisa shtoi se ndihma e Shqipërisë është e pazëvendësushme për Kosovën, dhe se kryeministri Rama mund të bëjë shumë më shumë se sa që po bën aktualisht.
Kryeparlasmentari shtoi se nga Rama ka kërkuar të mos e shoh Kosovën si fajtore, por si një vend që kërkon rend dhe ligj.
“Ne biseduam për zhvillimet në vend, për situatën politike, për ndihmën që e presim nga Qeveria Rama, për të gjitha këto procese të vështira që po kalojmë. I tregova që ndihma e Shqipërisë, është e pazëvendësueshme dhe Rama mund të na ndihmojë shumë më shumë se po e bën aktualisht, që republikën e Kosovës, në përpjekjet tona që janë shtetërore dhe kushtetuese, për të vendosur rend dhe ligj, të mos e shohin Kosovën fajtore, këtu nuk ka fajtor, këtu mund të ketë përgjegjësi”, ka thënë ai.
Konjufca u shpreh se me Ramën është takuar sepse Kosova sipas tij nuk ka probleme shtetërore me Shqipërinë. Ai shtoi se problemet kanë ardhur nga Shqipëria, me anulimin e mbledhjes së dy qeverive, sipas tij pa ndonjë arsye.
“Rama ishte i shqetësuar sa i përket presionit ndërkombëtar, por mua ma la përshtypjen se ai po e përjeton presionin më shumë se ne. Ne nuk kemi probleme shtetërore me Shqipërinë. Problemi ka ardhur nga ana e Shqipërisë, ata pa kurrfarë arsye madhore e anuloi një mbledhje të shumëpritur, mbledhjen e dy qeverive. Nuk mendoj që është hakmarrje”, tha ai.
Ndërkaq, kryeministri Rama, nuk pranoi të flasë para media, kalimthi ai tha se “Nuk kam homolog, s’kam si të mbajë konferencë”.
Kujtojmë që një ditë më parë kryeministri i Kosovës, Albin Kurti refuzoi një takim me kryeministrin shqiptar Edi Rama.
Kurti kushtëzoi takimin me Ramën, ku i kërkoi atij zhvillimin e mbledhjes së përbashkët ndërmjet dy qeverive.
Kurti tha se do të mirëpriste Ramën të zhvillonin e mbledhjen e dy qeverive e të firmosnin13 marrëveshjeve të përbashkëta për të cilat ishin dakordësuar më parë. Me firmosjen e 13 marrëveshjeve, tashmë pritet sërish përgjigja e Kurtit
