Ministri i Punëve të Brendshme, Xhelal Sveçla në deklaratën e tij për media, pas lirimit të policëvë të kidnapuar tha se kontribut për lirimin e tyre ka dhënë edhe Ministria e Brendshme.
Pas lirimit të tyre, ata po qëndrojnë të mbrojtur në liri derisa edhe po rikuperohen pas disa problemeve shëndetësore.
Ndërkohë, burime të Gazetës Papirus bëjnë me dije se ministri, Sveçla ka dhënë urdhër të hetohen policët e kidnapuar.
Arsyeja e kësaj është se sipas ministrit, ata nuk janë treguar vigjilent në kryerjen e detyrës dhe për këtë shkak kanë pësuar dëmtim duke iu dhënë hapësirë forcave serbe për t’i kapur.
Tutje, burimet e Redaksisë së Papirus, konfirmojnë se Xhelal Sveçla i ka dhënë urdhër IPK-së të tre policët të suspendohen nga puna.
Gazeta Papirus ka tentuar të marrë një konfirmim nga IPK-ja, por të njëjtit nuk kanë kthyer përgjigje.
/Gazeta Papirus/
