Një aksident i rëndë me pasojë vdekjen e një 27-vjeçari me origjinë shqiptare ka ndodhur në zonën e Skylabela.
Rrethanat e aksidentit mbeten të paqarta ndërsa drejtuesi i makinës, i cili punonte në një lokal plazhi në ishull humbi drejtimin duke shkaktuar dhe përmbysjen e automjetit.
Përplasja ka qenë aq e fortë sa i riu është hedhur nga makina e tij, shkruajnë mediat greke, raporton A2news.
Në vendngjarje shkuan menjëherë ambulanca, policia dhe zjarrfikësja por i riu që banonte prej vitesh në Mykonos, kishte ndërruar jetë.