Shtatë persona janë arrestuar në Zvicër në protestat që u nisën pas vrasjes së 17-vjeçarit në Francë.
Në Lozanë në pjesën perëndimore të vendit ku flitet frëngjisht, rreth 100 njerëz u mblodhën pas një thirrje për protestë të shtunën.
Policia tha në një deklaratë se disa xhama të dyqaneve u thyen pasi disa adoleshentë hodhën gurë dhe një koktej molotov mbi ta.
Oficerët arrestuan shtatë persona, gjashtë prej tyre të moshës 15 deri në 17 vjeç dhe që kishin nënshtetësi të Portugalisë, Bosnjës, Serbisë, Gjeorgjisë, Zvicrës dhe Somalisë, shkruan BBC.
