Ambasada e Shteteve të Bashkuara të Amerikës (SHBA) në Prishtinë ka thënë se sanksionet ndaj Rusisë janë duke funksionuar dhe e kanë dobësuar aftësinë e Kremlinit për të zhvilluar luftën në Ukrainë.
Ambasada përmes një postimi në Twitter thotë se këto sanksione kanë ndikuar edhe në ngadalësimin e armatosjes së ushtrisë ruse.
“Sanksionet ndaj Rusisë po funksionojnë dhe kanë dobësuar aftësinë e Kremlinit për të zhvilluar luftën e tij. Ndalimet për eksportet e teknologjisë në Rusi po ngadalësojnë aftësinë e ushtrisë ruse për t’u riarmatosur. Kufiri i çmimit të naftës dhe ndalimet e importit parashikohen të kushtojnë miliarda, duke privuar Rusinë nga të ardhurat për luftën e saj”, ka shkruar në Twitter Ambasada e ShBA-së në Prishtinë.
