Kryeministri i Republikës së Kosovës, Albin Kurti, sot ka zhvilluar një takim me ndërmjetësuesin e dialogut Kosovë- Serbi në Bruksel, Joseph Borrell.
Ende nuk është dhënë ndonjë deklaratë për media se çka është biseduar në atë takim, shkruan Gazeta Papirus.
Megjithatë, redaksia ka kontaktuar me analistin e njohur Gazmir Rracin, për ta pyetur se çka mendon se pritet nga ky takim.
Ai tha se është mirë që ky takim është zhvilluar, llogaritur tensionet e fundit në veri, kjo situatë tregon se është edhe koha që të dyja palët si Kosova dhe Serbia të ulen për bisedime serioze.
Tutje shtoi se, duhet zbatuar edhe plani franko-gjerman dhe ai i Ohrit, për arsye se këto plane i normalizojnë raportet në këtë fazë dhe hapin rrugë për antarësimin në NATO dhe Bashkim Evropian (BE), për shtetin e Kosovës edhe Serbisë./ Gazeta Papirus/
