GazetaPapirus sot ka raportuar ekskluzivisht për mos kryerjen e obligimit nga ana e ndërmarrjes publike “Hortikultura” për largimin e mbeturinave nga parqet e kryeqyetit.
Arsyeja sipas ndërmarrjes është sepse Drejtoria e Parqeve ende nuk po i nënshkruan faturat dhe gjendja e parqeve ka mbetur e pa pastër qysh se nga dita e enjte e javës së kaluar, pamje të cilat mund t’i shihni më poshtë, shkruan “Gazeta Papirus”.
Ndërkohë, redaksia ka kontaktuar direkt me ndërmarrjen, ku së pari kemi biseduar me sekretareshën e kryeshefes Sanije Bytyqi për një prononcim por, ajo është shprehur se nuk është punë e saj kjo detyrë, edhe pse e ka poziten e sekretareshës e cila duhet të përcaktoj terminet për kryeshefen ekzekutive të ndërmarrjes.
Ekipi i gazetës ka vizituar objektin e ndërrmarjes për të pyetur fizikisht kryeshefen ekzekutive Nora Cimili Gagica rreth bojkotit, por ajo ka refuzuar të prononcohet edhe pse ajo është përgjegjësia e kësaj ndërrmarje.
Më pas, u kontaktua u.d sekretari Ard Azemi, i cili tha se shkaku i mos nënshkrimit të faturave nga Drejtoria e Parqeve është pauzuar puna në parqe por së shpejti do të rregullohet kjo çështje shtoi ai.
Tutje, i njëjti ka kërcënuar redaksinë e Gazetës Papirus, duke thënë se do ngris padi në Gjykatë, me arsyen se sipas tij të gjitha këto janë shpifje./Gazeta Papirus/
Lexo edhe linkun:
